NunaGIS - Suliniut
Nuna tamakkerlugu Pilersaarusiornermut Suliniutinullu Immikkoortortaqarfik Kalaallit Nunaanni Namminersorlutik Oqartussat sinnerlugit suliniummik ingerlatsisutut pingaarnertut inissisimavoq suliniummillu ingerlatsinermut ineriartortitsinermullu Asiaq isumaginnittuuvoq. NunaGIS-imik suliniummut aqutsisoqatigiit attuumassuteqartinneqarput taakkununngalu ilaasortaatitaqarput Nuna tamakkerlugu Pilersaarusiornermut Suliniutinullu Immikkoortortaqarfik, Kanukoka, IT-mut Allattoqarfik, Asiaq kiisalu siunnersuisartoq avataaneersoq. Asiami suliniutinut pisortaq Henrik Fenger Jeppesen aqutsisoqatigiinnut siulittaasuuvoq. Aqutsisoqatigiinnut allatsi Thomas Nielsen attavigineqarsinnaavoq nunagis@gh.gl imaluunniit oqarasuaat 346710 aqqutigalugit.
NunaGIS-imi suliniut 2007-ip qiteqqunnerani aallartisarneqalerpoq Avatangiisinut Ministereqarfiup DANCEA-mut aningaasaliissutaanit tapiiffigineqarluni. Tamatuma saniatigut Namminersorlutik Oqartussat Teknologimut tapiissuteqartarnermut aningaasaliissutit kiisalu Nuna tamakkerlugu Pilersaarusiornermut Immikkoortortaqarfiup nammineq aningaasaatai aqqutigalugit aaqqiissutissap ikkussuunneqarneranut aningaasatigut tapiissuteqarsimapput.
Suliniaqatigiiffiit arlallit suliniummut suliassat tungaatigut ikiuupput: Namminersorlutik Oqartussani immikkoortortat assigiinngitsut, Asiaq, Oqaasileriffik, Kalaallit Nunaanni kommunit, Kort- og Matrikelstyrelsen, GEUS aamma Danmarks Miljø Undersøgelser.
NunaGIS-imi nunap assingi uani takukkit: Kalaallisut - Dansk - English
sAttaveqarfissaq: nunagis@gh.gl aamma gis@asiaq.gl